Aizawl: Excise & Narcotics Department, Anti-Narcotics Squad (ANS) te chuan Zirtawpni tlai khan heroin gram 107 leh a neitu nia puh te an man. Zirtawpni tlai dar 3:00 khan ANS te chuan Khatla vengah Heroin gram 96 (Hawng 7) leh a neitu nia puh, Lalrinsanga (25) s/o Lalchhuanawma, Tuichirh, Myanmar nia inchhal an man a. A hnu lawk tlai dar 4:45-ah khan Heroin gram 11 leh a neitu nia puh, Ricky Lalchawia (32) s/o Lalmalsawma, Ramhlun South, Aizawl-a khawsa nia inchhal chu man a ni bawk. Heroin vanga man - Lalrinsanga leh Ricky Lalchawia te hi The Narcotics Drugs & Psychotropic Substances Act 1985 tlawhchhanin thubuai siamsak an ni a. Special Court (ND&PS Act) -ah hruai niin Central Jail-ah dahluh nghal an ni.