Aizawl: Mizoram Excise & Narcotics Deparment (ME&ND)-a Anti-Narcotic Squad te chuan May 26, 2017, Zirtawpni leh nimin khan Aizawl Khatla ah leh Champhai Electric Vengah te Heroin gram 69.5 an man. ME&ND atanga thudawn danin Zirtawpni tlai dar 5:50 khan Khatla Vengah Heroin gram 8 leh a neitu ni a puh mi pahnih Lalchhuanawma (Kum 26) s/o Lalbiakzuala, Tlangsam, Champhai District leh Lalmuankima (Kum 33) s/o Lalbiakzama, Kulikawn, Aizawl ni a inchhal te chu an man a. Nimin zing dar 8:50 khan Electric Veng, Champhai-ah ME&ND Champhai Station te chuan Heroin vek gram 61.5 leh a neitu ni a puh Jonah Misan (24) s/o Tleineihsanga, Khawmawi, Myanmar ni a inchhal chu man a ni bawk. Heroin vanga man te hi NDPS Act, 1985 tlawhchhanin thubuai siamsak an ni.