Vanessa Hudgens leh a bialpa Cole Tucker te chu kum hnih an inzui hnuah an inhual 'engaged' ve ta. Hetih lai hian official-a puan a la awm lo a, a awm thuai beisei a ni. 

Kum 34 mi Vanessa hian January 26 khan social media lamah thu lung kuai tak a lo tarlang tawh a, an inhualna nen hian a inzawm tura ngaih a ni. Hemi tum hian an thlalak dunna a tarlang nghe nghe a, an inhaw lo tih a chiang hle. 

Entertainment Tonight chuan Vanessa hi April 2021 khan an lo interview tawh a, hemi tum hian Cole nen an intawn dan a sawi chhuak - Zoom meditation group atanga intawng an ni.   

Vanessa Hudgens hi hun rei tak chhung chu Elvis movie star Austin Butler nen an lo inzui tawh a, 2011 atanga 2020 kum tir lam thleng khan an inzui. Mahse an inkar a tawp zui ve leh a, Cole Tucker nen erawh rei tak an inzui hmain an inhual ta thung a ni.