Manager sawisel hlawh tak, mahse mi tam takin a laka rinna an nghah Gareth Southgate chuan England coach hna chhunzawm turin contract thar a ziak dawn hna niin an sawi.

English Football Association chuan an head coach nakum maia contract tawp tawh tur hi a contract pawh sei sak an duh a, England coach ni turin kum hnih dang Southgate hi la cham leh turin a duh a ni. 

Kum hnih dang contract thar Southgate hian a ziak a nih chuan, kum 2024 Euro thleng England team a enkawl ang. 

Kum 51 mi Southgate hian England team hi kum 5 chhung a enkawl tawhin a team te hi 2018 World Cup-ah semi-final leh Euro 2020-ah final a luh pui thei a ni.