ZALEN April 2, 2026: Mizoram Entrepreneurs' Chamber buatsaih 'Mizoram Entrepreneurs' Conference' vawi 1 na chu vawiin khan Woodland Hills, Zonuam ah neih a ni a, Dr. H.Lianzela IAS, Secretary & Director, Commerce & Industry chu khuallian a ni.

Khuallian H.Lianzela chuan thu sawiin, "Entrepreneurs te hi kan ram economy than zelna tura mi pawimawh tak in ni a. Kan ramah hian chawlhni kawr aia hnathawh kawr neih tam zawk a tul a. Mizoram in mellung thar ram nuam leh intodelh a nih theihna tura mi tangkai leh pawimawh tak ni turin entrpreneurs te an pawimawh a ni," a ti.

Mizoram Entrepreneurs' Chamber (MEC) hi January ni 5,2026 khan din niin hruaitute chu Chairman: Joseph L Ralte, Vice Chairman: C.Lalpekliana, Secretary : Dr Vanlalsiama Chhangte, Treasurer : Mahlui Ralte , Info Secretary: Lalchhandama te an ni.

Mizoram Entrepreneurs' Conference hi Entreprenuers lama Mizoramin hmasawnna a neih theih nan a buatsaih niin he conference ah hian project finance, marketing, leh experience sharing te neih a ni a, conference ah hian mi 60 vel an tel a ni.