La Liga-a Granada-in an khelmual, Nuevo Los Carmenes-a Athletic Bilbao an hmachhawn laiin a entu zinga pakhat a thih avangin an khel tluan thei ta lo.

Pathianni zana inkhelah hian Inaki Williams-a’n mikhual lam hmahruaina a thun hman tihah, minute 18 chauh an khel hman tihah inkhel hi tihtawp a ni.

Minute 20 hnuah club pahnih player-te hian khelmual an chhuahsan a, entute pawh chhuak tura ngen zui an ni.

A hnuah La Liga pawhin inkhelh zawh theih a nih loh thu a puang a, ni dang remchangah khelh leh a nih tur thu an sawi.

Granada pawhin thuchhuah siam zuiin ‘a club season ticket neitu pakhat a thih vang’ a nih thu a tar lang a, thi chhungte leh Granada tantute an tawrhpui thu a tar lang bawk.

Athletic goalkeeper Unai Simon chu thuneitute hnena a entute thutna lamah thil danglam thleng a awm tih hrilh hmasa bertu a nih avangin fak a hlawh hle.