DOWNLOAD OUR APP

Read latest news on your phone
app-store
EPL champion Manchester City hlawhtlinna phena thuruk thuhruk 6
May 24, 2022

Ropui takin Aston Villa lakah 3-2 a comeback-in Manchester City chuan Premier League nomawi an chawi a. City leh Liverpool te hi point inhnaih tein an kal chho ngar ngar a, Premier League kharna inkhelah Pep Guardiola pawl te chu vannei hlauhin point khata sang zawkin an champion a nih kha.  

Premier League top 5 zingah City
2008 kuma Sheikh Mansour-a'n a lei khan City hian league title pahnih chiah an la chawi a, an chawi hnuhnun zawk pawh 1968 daih tawh kha a ni. Van rawng team te hian kum 10 chhungin Premier League title tum ruk lai an chawi ta der a, a vai thu chuan pariat an kawl ve tawh tihna a nih chu. Anni aia trophy chawi ngun hi team 4 chiah awmin chungte chu Manchester United (20), Liverpool (19), Arsenal (13) leh Everton (9) te an ni.

League title 10 chawi thei Guardiola 
Pep Guardiola hian 2016-a Manchester City a zawm hnu khan League title lak dan bik riau hi a hria emaw tih mai turin a hlawhtling nghal a, kum ruk chhungin Premier League trophy pali lai a chawi hman der, Premier League lama a hlawhtlin hma hian Barcelona tan La Liga title 3 a chawi tawh bakah Bayern Munich tan Bundesliga title 3 a chawi tawh bawk a, a vaia belhkhawmin league title 10 a chawi der tawh. 

Christmas hnua chhiatna
Premier League-a an game 10-naah City hian an mual Etihad Stadium-ah ngei Crystal Palace chu si hnih faiin an hneh lo va, hneh loh nei lova game 12 zet tluang taka an kal lai chu an chhu chat. Khatih lai khan, an hnuai chiaha awm Liverpool aiin point 11 zetin an la sang. 

Guardiola team te hian harsatna tawk chho zauh zauhin Southampton, Tottenham leh Crystal Palace lakah chakna an chang zo lova, Liverpool lamin an inkar point inthlau lutuk an lo siam rem ve zel thung. April thlaah Liverpool nen 2-2-in an in draw a, Reds lam hian Tottenham an draw ve leh bawk avangin City hian leh pelhna hun tha an neih phah. 

Liverpool nena title race dang
Tun season ang deuh chiah hian, hun hma lamah Manchester City leh Liverpool hian title race an lo nei tawh a. Tun season khan Guardiola team hian point 93 an hmu phak a, an hnuai chiahah Jurgen Klopp-a pawl ten point 92 an hmu ve bawk. Hetiang deuh chiah hian 2019 kuma City-in Premier League an chawi tum khan point 98 an hmu a, point 97 hmuin an hnuai chiahah Liverpool hi an lo awm tawh bawk. 

No. 9 tel lova goal thun thiam
Kum 2016-a Guardiola'n Manchester City a enkawl hnu atang khan season khat chhungin goal 100 aia tam hlir an la thun. Thil mak leh danglam tak chu tun season bik phei kha chuan City hian striker No.9 an chhawr mumal lo hle a, season khat chhunga an goal thun te kha player hrang hrang mi 16 te thawh khawm a ni. 

Mi tangkai pahnih De Bruyne leh Rodri
Kevin De Bruyne leh Rodri te pahnih hian mual chhungah inkhel an thunun hneh em em thin a, tun season-a City-in Premier League title an chawi theih na tura player pawimawh a an ni. Captain De Bruyne hian goal 15 a thun bakah assist 8 a nei a, Rodri pawhin khawvel midfielder tha ber pakhat a ni tih latir thinin, goal 8 zet a thun ve bawk. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh