Erling Haaland chu England-ah kar reilote chhung chauh a la chawl chungin, August thla chhung atan Premier League Player of the Month-ah an thlang. 

Tun nipui transfer khan Norwegian hian Borussia Dortmund atangin striker nei mumal lo va hun rei tak khel tawh Manchester City hi a zawm a, City tana inchhirawm loh takin a che zui zat a, August thla chhungin game nga khelhah goal kua a thun thei a ni. September thla pawh hian goal dang a thun belh leh tawh. 

July thla tawp khan City-in Community Shield-a Liverpool an hneh loh ṭumin hun harsa tak a tawng chho dawn emaw tih laiin, an player thar Haaland chu Premier League a khelh vawi khatna atangin a insiamrem nghal thei. An game hmasa berah West Ham mualah lenglutin goal hnih a khung nghal thei. 

Bournemouth lakah goal a thun theih loh hnuah an mual lamah Haaland a che tan a, hattrick tum hnih zet a siam der tawh.