ZALEN February 4, 2026: Champhai North bialtu MLA Er. H. Ginzalala chuan vawiin khan a bial chhung khaw thenkhat te tlawhin Thlai tiak chi hrang hrang Hnahlan Lailiphai leh Khuangphah rama chin tur thlai tiak a sem.

MLA Er. H. Ginzalala chuan Dr. YSP University of Horticulture & Forestry, Nauni, Solan, Himachal Pradesh hnen atanga thlai tiak chi hrang hrang - Pear, Peach, Plum, Apricot, Persimmon leh Kiwi te hi chahchhuah a ni tih a sawi a, tunah hian Lailiphaiah hian Pilot project anga hmalak tum a nih thu a sawi. Kiwi tiak khuangphah rama phun tur engemawzat a pe bawk.

Scientist Dr. Vijay Kumar, Regional Horticulture and Training Station, Bajaura chuan a hmun ngeiah kalin thlai tiak enkawl zui zel dan turah training pe in hun a hmang bawk.

MLA Er. H. Ginzalala chuan Laili Phai Agriculture Link Road laih mek NABARD atanga hmuh chu a tlawh nghal a, PCC kilometer 2 khawih tura ruahman a ni a, PCC Kilometer 2 bakah kawngthar kilometer 4 vel laih tur a ni a, tunah hian kawng hi laih mek a ni.