Manchester United boss Erik ten Hag chuan  Newcastle United nen an inkhelh ṭumin a Cristiano Ronaldo a lakchhuah chhan chu a chawlhhahdam theih nan a thlak a nih thu a sawi. 

Ronaldo team Man United hian nimin Pathianni khan Premier League-a Magpies an hmachhawn a, Portuguese superstar hian Red Devils tan bul a ṭan a, Ronaldo hian goal khat chu khung mah se offside vangin goal-ah pawm a ni lo a, chumi tih lohah chuan Newcastle tan harsatna a thlen tam lo a ni.

Minute 72-naah lak chhuah niin a aiah Marcus Rashford dah luh niin Manchester United tana starttu dang zawng zawng chuan an khel tluan vek a ni. 

Inkhelh zawha thu a sawinaah Ten Hag chuan,"Ni 10 chhungin game li kan khelh leh a ngai a, a bik takin striker bik phei chu hahdam taka awm tir ka duh a ni. An vaiin chawlh hahdam tir vek ka duh rualin a theih loh a, harsatna hrang hrang kan nei bawk nen kan inthlak kual a ngai a ni," a ti.