Manchester City chuan Erling Haaland chu an umzui zel a, a release clause euro maktaduai 75 pek an inhuam thu thang a awm hnu lawkah Premier League-a player hlawh hnem ber turin City hian kar khata £500,000 chuang hlawh turin an be leh mek niin Sportmail chuan a tarlang. 

City hian 21 a upa Borussia Dortmund striker hi nipui transfer-ah a release clause £63million a lak chhuah an hnial a, ruahman a kal tluan chuan kar thar khian kum 5 chhung inrempuina siam pui hman an inbeisei a ni. Kar liam ta mai kha chuan Haaland beiseitu dang Real Madrid leh Paris Saint-Germain te pawh thu an pawh tha duh lo va, mah se amah Haaland-a'n a lo hreh lo bawk nen striker mamawh City lam hi an nep zo dawn ta lo a ni mai thei. 

Tunah hian City lama hlawh hnem ber Kevin De Bruyne hian £385,000 bawr vel a hlawh a, tuna Haaland-a hlawh tur anga an sawi £500,000 hi chu Grealish leh Sterling-a te chuan an phak dawn lo vai vai khawp mai. 

Tun season kal laiah hian Haaland hian Borussia Dortmund tan Bundesliga game 26 khel tawhin goal 25 a khung tawh a ni.