Manchester derby mah nise Erling Haaland-a tan chuan game danglam a ni hran lo va, record siam a thulh phah chuang lo.

Etihad Stadium-a Manchester United 6-3 a an hneh ṭumin goal thum a khung a, Premier League bikah an muala a zawna vawi thum hattrick siam thei hmasa ber a ni.

United leh City goalkeeper hlui Peter Schmeichel chuan BBC Radio 5 Live hnenah "Haland-ah hian player ropui hrang hrang thiamna leh theihna i hmu thei ang" tiin a sawi. 

Schmeichel chuan,"Striker ṭha tak nihna tha ber pakhat chu dawhtheihna a ni. Striker ṭha ber berte nen kan inkhel tawh thin a, rilru kan pe takzet a nih chuan an hlah ve fo thin," tiin a sawi bawk.

"Haaland-a i en chuan player hrang hrang i hmu a. Striker ropui Zlatan leh Ronaldo te thiamna hi amahah hian a awm ni hialin ka hria" 

Haaland hian Premier League match riat a khelhah goal 14 a khung tawh a, top scorers list-a pahnihna ni mek Harry Kane aiin a let hnih zetin a khung tam tawh zawk. 

French chanchinbu L'Equipe hi player ratings mumal tak an siam thin a, Pathianni khan Manchester City player Erling Haaland hian 10/10 rating a hmu phak a, kum 40 hnua hetiang hmu thei player 14-na chiah a ni.

Premier League hat-trick vawi thum siam tura an match mamawh en hian Haaland hi chu a chungnung fel deuh chu a ni.

Player                  Match khelh zat
Erling Haaland                8
Michael Owen              48
Ruud van Nistelrooy    59
Fernando Torres           64
Andy Cole                    65