DOWNLOAD OUR APP

Read latest news on your phone
app-store
Europe manager club ngai enkawl rei thei mi 5
May 22, 2022

Club ropui tak tak te hlawhtlinna phenah hian manager te an awm thin a, tun hnai kum 10 chhung pawhin football khawvel-ah a hmuh theih. Season liam taah pawh khan player mal that bik vang ai mahin an manager te thiam leh remhriatna vangin club tam zawk chuan dinhmun tha an luah phah ti ila kan sawi sual tam lovang. 

5. Pep Guardiola (2016 July- present)
Pep Guardiola hi tun generation-ah chuan manager hlawhtling ber zing a mi a ni a. English football-ah a hming than hmain hlawtling takin Spain lamah Barcelona a lo enkawl tawh thin a, English lama a kal dawn khan Spaniard hian a ropuina leh a hming chherna tiki-taka football chu Premier League lamah a chhawm theih mai an beisei a, mahse Manchester City lamah erawh a hmang thei ta chiah lo. Season ruk bawr a enawk chhungin City hian Premier League tum thum an chawi tawh a, kumin hian champion turin game khat chiah an chak a ngai tawh bawk. 

Guardiola hian 2016 khan Etihad-ah mutbu a pulut a, nakum 2023 thleng contract la neiin a cham chhunzawm hmel khawp bawk. 

4. Gian Piero Gas16:56 21-05-202peri (June 2016- present)

 Gian Piero Gasperi hi Italian football manager zingah chuan lawm hlawh ber pakhat a ni a, a attack dan style te chu Atalanta fans te lawm zawng tak a ni. Kum 64 mi hian Atalanta a zawm hma kum hian Serie A lamah 13-na an ni a, a zawm hnuah erawh an kang chho zawt a, top 4-ah kum thum chhung an awm bakah league table-ah top 10 aia hniamah an awm ngai ta lo bawk.

Europe lamah pawh a chet that pui hle a, 2020 khan Champions League lamah quarter-final hial a thlenpui a ni. Gasperi hian lawm a hlawh em avangin nikum lama a contract tawp tawh chu pawh sei sakin 2024 thleng a cham ang.

3. Jurgen Klopp (October 2015- present)
Jurgen Klopp hi tunlai manager duhawm ber pakhat niin European football-a coach tha ber pawl a ni mek a, a club enkawl Liverpool tan a thawh hlawk em em a ni. 

German coach hian Borussia Dortmund atangin kum 2015, October thla khan Anfield a pan a, mi tam takin a hlawhtlin an ring lo, mah se Liverpool tan a thawh hlawk zia leh a hlawhtlin zia chu a hretu kan nih hi.    

Premier League-a a club tana a title hmasa ber chu 2020 khan lain, 2019 season khan Champions League-ah a champion pui bawk. Reds hian tun season-ah Carabao Cup leh FA cup an la tawh a, zanin hian league-ah an champion dawn em tih a chiang ang a, Real Madrid nen Champions League final an khel bawk ang. 

2. Christian Streich (December 2011- present)
 Christian Streich hian SC Freiburg hian kum 10 chhung chu enkawl tawhin hlawhtlinna tam tak a chanpui tawh. Kum 1999-2009 chhung khan German club hi tum hnih zet an relegate a, top-flight ah season ruk chiah an khel hman. Streich-a rawn lan hnu hian tum khat chu an relegate leh a, mahse season 10 chhung chu Bundesliga-ah an khel ve leh tawh. 

Streich-a hnuaia an awm hnu hian season duhawm ber an tawng mek a, season leh hian Champions League an khel ve phak maithei a, tunah hian Freiburg hi table-ah pangana an ni mek a, palina RB Leipzig hnuaiah awmin point hnihin an inthlau mek. Tunah hian a contract pawhsei tumin inbiakna an kalpui mek a, an cham tur chhung erawh an la tichiang lo. 

1. Diego Simeone (December 2011- present)
 Khawvel manager hlawh tam ber Diego Simeone hian kum 2011 December thla khan Atletico Madrid hi a zawm a, Argentian in an club a enkawl hma kha chuan league-a top-four nih kha an lawm tawk a tling thin. Mahse, an enkawl hnuah erawh an rilru put hmang pawh a danglam tana a, season 11 zet a cham chhung hian Europa League title tum hnih lak pui tawhin La Liga title pawh tum hnih a chawipui tawh.  

Atletico Madrid hian Spanish Cup an chawi bakah Champions League final tum hnih an khel tawh bawk. Khawvel manager hlawhtling ber pawl Simeone hian nikum khan a contract pawtseiin kum 2024 thleng a cham chhunzawm ang. Europe manager cham rei ber Simeone hian kum 10 leh thla 6 chhung Atletico Madrid hi a enkawl tawh a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh