ZALEN October 17, 2024 : Excise & Narcotics Department leh 42nd Bn. Assam Rifles thawk dun chuan October 16, 2024 (Nilaini) zan khan Tlangsam khaw dai, Leilet zawl, Champhai District-ah Heroin gram 323.170 (Hawng 25) leh a neitu nia puh – Zamdolian (65) s/o Awnkhankhup, Bulfek, Myanmar-a khawsa nia inchhal an man.

Heroin vanga man, Zamdolian hi the Narcotics Drugs & Psychotropic Substances Act, 1985 tlawhchhanin thubuai siamsak a ni a, October 17, 2024 khan District & Sessions Court, Champhai District, Champhai-ah thawn nghal a ni.

Kum 2024, October ni 15 thlenga Excise & Narcotics Department-in ruihhlo an man tawh zat chu hetiang hi a ni:

Heroin - Kg 37.873

Ganja - Kg 553.720

Cough Syrup - phial 5,966

Alprazolam - tablet 7,104

Nitrazepam - tablet 1,129

Diazepam - tablet 2,580

Tramadol - tablet 161

Methamphetamine - Kg 124.415

Hetih rual hian kum 2024 chhunga ruihhlo vanga thi chhinchhiah zat chu Mipa 53, Hmeichhia 8, an vaiin 61 an tling tawh a ni.