August 4, 2023;  Excise & Narcotics Department chuan August ni 3, 2023 (Ningani) tlai dar 3 khan Thuampui Veng, Helipad-ah heroin kg. 2 leh gram 667 (Hawng 220) leh heng heroin phurh kualna atana hman, TATA YODHA Pikup (Regn No MZ01/X-8688) an man.

Hemi rual hian heroin neitu-a puh mi pahnih – Vankhuma (29) s/o Chharliana, Khawmawi, Myanmar leh Lal\hazuala (29) s/o Lalrokima, Thingthelh, Kolasib District; tuna Bawngkawn North, Aizawl-a khawsa mek nia inchhalte pawh man tel nghal an ni.

Heng heroin te hi Second hand Bale 2 kara thuhruk an ni a, Myanmar atanga lak, hmun danga heng mi mante hian tihral an tum mek laia mansak an ni.

Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, vawiin ah court-ah hruai nghal an ni.

Heroin vanga mante hi thiamloh chantir an nih chuan Kum 10 atanga kum 20 thleng Jail tantir leh pawisa Rs. 1,00,000 atanga Rs. 2,00,000 thleng chawitir bawka hrem theih an ni ang.