Aizawl: Commissioner  of  Excise & Narcotics Ngurchungnunga Sailo chuan Zirtawpni khan Serchhip  Excise & Narcotics Department  te tlawhin an hnathawh dan leh  hnathawh kal mek te a hmunah a enfiah. Excise Commissioner leh Serchhip  Excise & Narcotics Department thawktute hian inkawmhona neiin, Serchhip Excise & Narcotics Department Officer te leh thawktute chuan an mamawh chi hrang hrang an lo sawipui bakah Serchhip Excise  Department  Quarters te leh  an  hmunhma  cheibawl ngaite an en ho  a ni. Excise Commissioner  hi V.L Rengpuia  Assistant Commissioner of Excise-in  a tawiawm a ni.