November 9, 2023; Excise & Narcotics department Lunglei chuan thla liamta October thla chhung khan thubuai 31 ziaklutin thubuai kaihhnawihah hian mi 30 an man.

Excise Department Lungleia thawktute hian October, 2023 chhung khan NDPS Act '85 hnuaiah thubuai 12 leh MLP Act '19 hnuaiah thubuai 19, avaiin thubuai 31 an ziaklut a, NDPS Act '85 thubuai an ziahluh kaihhnawihah hian mi 14 manin MLP Act '19 thubuai an ziahluh kaihhnawihah mi 16, an vaiin mi 30 man an nei.

Heng thubuai an ziahluh kaihnawihah hian ruihtheih thil chi hrang hrang, heroin gram 80.9, rakzu litre 313.52, sapzu um puitling- 2 leh um chanve 1, beer- can 138, ganja gram 190.395, yeast gram 616, cough syrup phials 112, alprozolum tablet 327, zu bilh lai tin 63 leh pot ruk an man bawk.