Aizawl; Excise & Narcotics department (END) chuan Inrinni khan Bethani Multipurpose Farm, Phunchawngah ruihhlo man sa, court-a tihfel tawhte an halral.

Ministry of Home Affairs, Narcotics Control Bureau (NCB) chuan nimin tlai dar 4 khan Assam Administrative Staff College, Guwahati-ah Regional Conference on ‘Drug Trafficking & National Security’ a huaihawt a, Union Home Minister Amit Shah chuan a kaihruai a, hmarchhak state tin atangin chief minister, chief secretary leh mi pawimawh dang an tel.

Hemi denchhen hian hmarchhak state-a ruihhlo dan kengkawhtuten nimin tlai dar 4:15 khan a rualin ruihhlo tihral hun hman an hmang a, END pawhin Phunchawngah heroin kg 18.37, methamphetamine kg 40.59, Tramadol gram 643, Alprazolam gram 652.76, Codein -based cough syrup kg 105.65, Ganja kg 88.47, Nitrazepam (NAP-10) gram 129.54, Pseudoephedrine gram 657 leh Lorazepam gram 2.64 te an hal ral.