Aizawl; Excise & Narcotics Department chuan kumin January atanga August thla tawp thleng khan ruihhlo kaihhnawih ah mi 1825 manin case 1990 an ziaklut tawh. Kumin January atanga August thla chhung khan Excise & Narcotics Department hian rakzu litre 22342, zu bilhlai tin 51869 bakah dawidim kg 36.171 an man a. Zu phurhnana hman lirthei 86 an man tawh bawk. END te hian kumin chhung vek hian heroin kg. 2.572, ganja kg.305.450, spasmo proxyvon mum 2467, parvonspas mum 9669, methamphetamine mum 63000 leh pseudoephedrine mum 337570 an man tawh bawk. END hian NDPS Act hnuaiah hian mi 253 an man tawh a, AD(C) Act hnuaiah 18 manin MLTP Act hnuaiah 1266 man an ni bawk a, Mizoram Excise Act hnuaiah mi 258 manin ramdang mi 30 an man a, sawrkar ah Rs. 181,83,336 lai an chhunglut tawh bawk a ni.