ZALEN July 18, 2026: Excise & Narcotics Department leh MTP Kumpuan Committee, Siaha leh YLA Niawhtlang Branch hruaitute thawkho chuan July ni 17, 2026 (Zirtawpni) chawhnu dar 3:10 khan Niawhtlang, Siaha District-ah Opium Kg 6 & gram 870 leh a neitu nia puh an man.

Opium neitu-a puh mi pahnih te hi Lesa (40) s/o Lekung, Zesaw khua, Chin State, Myanmar leh Chungnuamthanga (41) s/o Chhumluaia, Niawhtlang (Noaotla-II), Siaha District-a khawsa nia inchhalte an ni. 

He Opium hi Mindat khua, Chin State, Myanmar ațanga rawn ken luh niin, Lawngtlai leh a chhehvela tihral tum mek lai a ni. 

Opium vanga mante hi The Narcotic Drugs & Psychotropic Substances Act, 1985 (NDPS Act) tlawhchhanin thubuai siamsak an ni a, vawiin khan Court-ah hruai nghal an ni.