Aizawl: Nimin(Inrinni) kha khawvel pum huap World Polpulation Day a ni a, thupui atan hian 'Chhungkaw hlim nan leh hrisel nan, kum 3 danah fa nei ang che' tih hman a ni. Health Department chuan kum 2014-15 chhung khan nausen thi 822 an awm tih an sawi a, nausen thi hi kumtin pung tial tialin tun dinhmunah Infant Mortality Rate(IMR) hi 37 anga chhut a ni. Hetihlai kum 2014-15 chhung hian nu nau chunga thi 21 an awm bawk a, tihian Matarnal Mortality Rate(MMR) chu 95 niin, hei pawh hi kumtin a pung bawk a, hetiang anih avang hian chhungkaw din leh mumal taka chhungkaw ruahmanna(family planning) mumal uar a ngaih thu an sawi bawk. Thupui hman anih chhan hi kawng engkimah Nu leh nau hrisel zawk leh damkhawchhuak tha zawk nei turin kum 3 zel dana fa neih chu duhthusam a nih thu an sawi a, tunlai khawvel dinhmuah Nu hrisel zawkna tur mai bakah naupang leh a chhang inkarah natna in kaichhawn kawngah leh chhungkaw dinhmun a zira chaw tha zawk neia tlakchham awm lova hrisel taka an puitlin thleng bana damchhung rei(life expectancy) an hman theih nan kum 3 dan chu fa neih zat in ang rau rau ah duhthusam anih thu an sawi a ni.