DOWNLOAD OUR APP

Read latest news on your phone
app-store
FA-in player thunun zo lovah City a puh
Dec 05, 2023

Football Association chuan Pathianni zana Premier League inkhela Tottenham nen 3-3 a an inhnehtawk tuma referee laka an chet an avangin Manchester City chu an an player-te thunun thei lo niin a sawi a, insawi fiah turin a ti.


Inkhelah khan hun pangngai tawp hnua pek belh (stoppage time)-ah Jack Grealish-a’n lehlam goal lama ball a tlan falpui lai takin referee Simon Hooper chuan a hma chiaha thil thleng avangin City hi free-kick a pe a, goal thunna hun remchang an hmuh lai a nih avangin player-te lawm lovin referee hi an hual tuau tuau a ni.


Hooper-a hian City hi free-kick hlawh tur ni mah se hamthatna (advantage) pein khel tlang turin a ti a; mahse, goal an nawr zui nghal chiah tihah a titawp leh ta si a ni.


FA hian Ningani thleng an puhna chhan letna hun a pe.


FA-in Thawhtannia thuchhuah a siamah champion lai hian ‘khawsak dan lova khawsa lo turin an player-te an thunun lo’ tiin a sawi a ni.


Striker Erling Haaland pawh City player zingah lungawi lo ber pawlah a tang a, khelmual chhunga a lawm lohna a tihlan hnuah pawh X-ah kha thil thleng video tawi kha tar langin, ‘Wtf’ tiin a dah tel bawk a, he tawngkam hi tawngkam uchuaka ngaih a ni.


Norwegian striker hian a lungawi loh dan tilang nasa hle mah se FA hian a mi mala hremna tur engmah a sawi lang lo va, hremna a tawh hmel loh.


Pathianni zana an chak zawh loh kha a zawna Premier League-a an tumpui an hnehtawk vawi thumna a ni ta a, a hmain Liverpool leh Chelsea an hneh lo tawh a. League-ah hian pathumna niin hmahruaitu, Arsenal chu point thumin an phak lo mek a ni.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh