Aizawl: Mamit Bazar Veng Children Sanitation Club te chuan nimin zing khan Mamit Bazarpui-ah vote thlak pawimawhzia leh faina pawimawhzia thuziak hrang hrang kengin Street Campaign an nei.   He huna thusawitu Laltharzeli, Convener & President MHIP Bazar Veng Branch chuan, “Faina pawimawhna naupangte thinlungah a tuh theih ang bawk a, Election pawimawhnate, vote neih hlutna te leh duhthlang thei rama chengte kan vanneih zia te kan chhut fo a ngai a. Roreltu tha lo te avangin ram leh hnam, khawtlangin kan tawrh theih avangin, mi dik leh vision nei tha ram hruaitu kan thlanchhuah theihnan ngaihtuahna fim tak hmanga vote kan thlak a pawimawh a ni,” a ti.   Children Sanitation Club member te hian Mamit Bazarpuia bawlhhlawhte chhar fai nghalin, Bazar kalte bawlhhlawh paihna tur Dustbin kengin bawm an lo dawh a. Faina lama inzirtirna leh hmasawnna tur mai bakah kumin MLA inthlan lo awm tur pualin Vote nei tawh te chu Vote thlak vek tura ngenna leh Vote thlak tur ten mitha thlang turin an ngen a ni.