Hla phuah thiam leh zaithiam ni bawk C. Lalzarmawia kaihhruaina hnuaia neih thin Pathian faka zaihona Family Wordship chu kuminah pawh neih a ni leh dawn a, November 30 leh December 1 zan hian Dawrpui Multipurpose Centre-ah neih a ni ang. He hunah hian Mizo ten gospel artist kan neih that ber berte an zai dawn a ni. 

Family Worship hi tum ruk (6) lai neih a lo ni tawh a, kumin hi a vawi sarih (7) na tur a ni. Mipui ten an ngaihlu thin hle a, YouTube lamah ngaihthlak a hlawh thin hle a ni. 

Kuminah hian tunlai hmeichhe artist tha tak tak - Pensy B. Lalthangliani, Zoramchhani, Maruati, Hlimhlimi leh Ruthi te an zai dawn a, mipa lamah - Zorema Khiangte, Jonathan Lianhna leh Isaac Hnamte te an zai ang. Zaihona bakah hian sermon tha tak ngaihthlak tur a awm dawn a, Lalrinmuana leh Dr. Dennis Ramdinmawia ten thuchah an sawi dawn a ni. 

Family Worship 7-ah hian a duh a piang tel theih a ni a, Pathian faka zaiho bakah thuchah ngaithla turin mi zawng zawng sawm kan ni e.