ZALEN December 15, 2025 : C. Lalramenga, kum 49 mi Farkawn chhim veng, (Theirekawn) thihna chungchangah Farkawn VDP member mi 6 te chu Champhai District Jail-ah dah luh an ni.

Tarlan tawh angin C. Lalramenga hi Inrinni khan Myanmar-ah a kal a, hei hi Farkawn VDP ten ringhlelin a lo haw lam chu an lo chang a, zan rei tawhah Zu fun engemawzat a kut atangin an man a, Village Defence Party (VDP) ten thu an zawhfiah hnuah an chenna In ah motor-in an dah leh a, Pathianni zing dar 5:00 vel khan a boral zui ta a ni. 

A nupui Lalremruati chuan a pasal taksaah kut thlakna hnu hma tam tak a awm avangin a pasal thih danah hian thilfel tawk lo a awm nia hriaiin Dungtlang Police Station-ah FIR a thehlut a. Dungtlang Police-te chuan he thihna thleng chungchangah hian Farkawn VDP member mi 10-te chuan thu zawhfiah turin an la a. Thu an zawhfiah hnuah an zinga mi 6-te chu vawiin khan Champhai District Court-ah hruai niin Lung inah khung nghal an ni.

C. Lalramenga ruang hian Police hmaah nimin khan Farkawnah Damdawi inah Postmortem niin nimin vek khan vuiliam nghal a ni.