Aizawl May 11, 2024 : Higher& Technical Education dept hnuaiah Diploma in Fashion Designing Course result a chhuak a, Mi 25 ah 100% an pass. Mi 23 hi Distinction ah pass in First div ah mi 2 an pass. Back subject nei 2 an pass bawk. Pass zawng zawng hi Vocational School of Education (VSE) zirlai an ni.

Topper hi Celina Lalenkawli niin 2nd position Lalrohlupuii 3rd position Lalnunkimi te an ni. Course rei zawng hi kum khat a nia, HSLC pass chin tana zir theih a ni.

Dt 10.5.2024(fri) zanah Pass thar mi 18 kutchhuak entirna VSE Fashion Show 2024 chu Dawrpui Multipurpose Hall ah neih nghal a ni a, model ten an thawmhnaw an pholang a, lawmman chi hrang hrang sem nghal a ni.

VSE ah hian ṭhalaite eizawnna tur an tui zawng zirna hrang hrang kalpui a ni a. Hmeichhe leh mipa zir theih Beauty Therapist, Tailoring, fashion design, cement Masonry , plumbing, electrician, mason tiling, electronics, automotive technician, IT, hospitality, Health sector leh a dang a zir theih.Heng programme hrang hrangte hi a thlawna zir theih dan te a awm hlawm a, a hrechiang duh tan VSE Chaltlang dawrkawn ah emaw ph 8729943466/official_vse ah zawh theih a ni.