ZALEN August 9, 2026: Mizoram Legislative Assembly favang thutkhawm chu August 25, 2026 atangin neih a ni dawn a, session lo awm tura ngaihtuah tur hian bill pakhat a lut tawh.

ZALEN-in Assembly Secretariat thawktute hnen atanga thu a dawn danin session neih hun chhung tur leh hun hman dan tur hi tihchian a la awm lova, August 14, 2026 hian Speaker Lalbiakzama hovin Bussiness Advisory Committee thukhawmin session hun hman dan tur (calendar) an duang ang. 

Zirtawpni thleng khan session a chhan tur hian zawhna (starred question) 28, ziaka chhan chi zawhna (unstarred question) pakua leh paper lay tur pahnih a lut tawh a. Session a ngaihtuah tura bill lut awm chhun hi Irrigation & Water Resources department atanga lut a ni.