FCAA hi NE minority state te min paldarh an tumna hmanrua - Lalbiakzama MPCC

ZALEN Oct. 28, 2025 : Mizoram Pradesh Congress Committee (MPCC) thupuangtu Lalbiakzama'n, Forest Conservation Amendment Act (FCAA), 2023 chu Northeast Minority State te min paldarh an tumna hmanrua a ni tih a sawi.

Vawiin Aizawl Press Club a thuthar thehdarhtute a kawmnaah he thu hi sawiin, Lalbiakzama chuan, FCAA, 2023 hi National Security and Strategic Importance chhuanlama hmanga Northeast Minority State te min paldarh an tumna hmanrua a nih thu leh Manipur leh Ladhakh an sawisak duh dan enin ngaih a ṭha thei lo niin a sawi.

Tuna a lan danah hi chuan central sawrkar thu thu a ni thei dawnin a lang tih sawi bawkin, "Tuna kan sawrkarin Restricted Tender Blanket Approval a pek ṭhin ang mai hian FCAA 2023 kan lo adopt (pawm) hian central sawrkar hi kan state chhungah a duh ang anga a tal theih nan Blanket Approval kan lo pe ve reng a ni thei em, tih hi i chhut ngun ang u," a ti bawk.