News uih tia Social Media lama thehdarh Durtlanga Biakzuala te Septic Tank full lutuk avanga gas in siam avanga thil puak awm leh kang awm nia sawi chu thu belhchian dawl lo a ni a,helai hmunah hian thil puak ri chu hriat a ni ngei a,puak awm chhan erawh Septic tank full vanga a ni lo a, a chhan hriat a ni lo bawk. Durtlang khaw mi Geologist pahnih, R.Zirtluanga leh Pu H.Lalbiakkima te chuan helai hmun hi an endik nghal a,thil puak nia sawi hian sulhnu hnutchhiah engmah a neih loh avangin Geologist te pawh hian a ngaihna an hre lo hle a ni. Pu H.Lalbiakkima chuan,'biakzuala te in bulah puak a awm an tih avangin kan han endik a hnuhma engmah hmuh kan nei bawk si lo a, thil ri satliah mai mai a nih kan ring' a ti. Durtlang Branch YMA hruaitute chuan he thil thleng avang hian mipui an phawklek thu an sawi a,puak nia sawi hian hnu hma a nei bawk si lo a, zel din thu bawl kual mai lo chu sawi tur dang an hriat lo thu an sawi. Biakzuala sawidanin an in bulah hian thil puak chu a awm ngei a, zirtawpni khan thil puak ri hi an hria a, an inleng te nen chu thil puak chu an in bula ngei atanga chhuak ni chuan an hria a ni. Tunhnai hian Social Media ah mipui ti phawklek thei thil ah thu thehdarh a awm nual thin a,Durtlanga thil thleng pawh hi social media lamah a darh nasa hle a, ngaihven a hlawh ang chuan chhiatna erawh a thleng lo thung a ni. Geologist lam chan nge ek paih? tih zawhna chu chhan theih mai a ni hrih lo.