Nimin chhun thleng khan Mizoramah Covid-19 hri vei 1274 an awm a, hri kai hmuhchhuah la awm reng mah se dama chhuak an tam zel avangin Mizoramah hri vei hi a tlem hret hret zel a ni.

Thawhtanni khan hri kai thar 123 hmuh a ni a, Thawhlehni ah 287 hmuin Nilaini ah 159, Ningani ah 191, Zirtawpni ah 173 leh nimin zinga result tihchhuah ah Covid-19 hri kai 131 hmuh a ni a, heng te hi mipa 50 leh hmeichhia 81 an ni.

Nimin zing result tihchhuah a hrikai hmuhte hi Rapid Antigen test atangin 128, ZMC RT-PCR leh Lunglei RT-PCR ah hmuh chhuah a awm lo a, TrueNAT atangin 1 a ni a, FIA atangin 2 a ni. Zirtawpni khan ZMC RT-PCR ah sample 13 test a ni a, Lunglei RT-PCR ah sample test a awm lo a, FIA ah sample 3, Dist hrang hrang TrueNAT lab ah sample 4, Rapid Antigen Test 1639, a vaiin sample 1659 enfiah a ni a, 7.9% chu hrikai an ni.

IDSP chhinchhiah danin Mizoramah Covid-19 hrikai mi 223647 an awm tawh a, enkawlna hmun atangin mi221693 damin an chhuak tawh a, mi 680 in an thih phah tawh a, hri kai enkawl lai mi 1274 an awm a ni.

Mizoram District hrang hranga hri kai enkawl lai awm zat chu Aizawl Dist ah 271 an awm a, Lunglei ah 141, Siaha ah 13, Champhai ah 73, Kolasib ah 72, Serchhip ah 210, Lawngtlai ah 21, Mamit ah 150, Khawzawl ah 89, Hnahthial ah 47 leh Saitual ah 187 te an ni.

Mizoram sawrkar chuan thuchhuah siamin state pawn atanga lo lut te ramria Covid-19 test a neih thin chu a titawp tih a sawi a. Lengpui airport ah erawh chuan staff nurse leh laboratory technician pakhat ve ve chu la awm hrih turin a ti a ni.

Mizorama Covid-19 enkawlna hmunpui ber ZMC-SRHF ah chuan Zirtawpni tlai dar thleng khan Covid-19 vanga damlo awm zawng zawng chu mi 36 an ni a, damlo awmpuitu mi 25 an awm bawk. Sawrkar chhinchhiah danin Mizoramah Covid-19 vanga thi mi 680 an awm tawh a, mitthi zinga a tam ber hi natna dang nei sa an ni.