Zunheboto khaw chhunga i awm chuan khawi a\ang pawhin a hmuh theih tia an sawi hial Asia rama Biak In lian ber tur Sumi Baptist Church, Zunheboto, Nagaland-a mi hi i han bel chiang teh ang. Kum 2004 daih tawh khan architect Honoholi K Chisi Zhimomi chu he biak in lian tak tur hi design tura tih a lo ni tawh a. He Biak In lian leh ropui tak hi Zunheboto chhunga khaw 20 vel zet a\angin a lang thei niin an sawi a. He biak In hi May 7, 2007-a sak \an a ni a, March 31, 2017 khan sak zawh a ni a. Rs vaibelchhe 36 lai senga sak a ni. Sumi Baptist Church hi chhawng 8-a sang a ni a, a dung hi feet 203 niin a vang lam hi feet 153 a ni a, a san zawng hi feet 166 lai a ni. He Biak In ropuiah hian mi 8500 chu nuam takin an leng thei ang a, tu tan pawh thusawitu chu awlsam taka hmuh phak theih tura duan a ni a. Biak In chhungah hian mi 300 leng chapel te, office te, conference room te, training room te, innei an awm a innei te inthlakna tur dressing room te, damlote awm hahdamna tur room te awmin room 27 lai a awm a, a hnuaiah hian library leh ei leh in buatsaihna tur te a awm bawk. Biak In stage ah hian baptisma channa tur ‘pool’ dah a ni a. Biak In dar ringawt pawh hi Poland a\anga chah luh Rs nuai 15 man lai a ni. He Biak in sak nan hian kum 10 hman a ni a, Rs vaibelchhe 36 lai an seng a ni. Pawisa hi Kohhran member te thawh bakah Interior of Sumi Baptist Church Zunheboto in Nagaland, India Interior of Sumi Baptist Church Zunheboto in Nagaland leh IndiaSBCZ Facebook Page kaltlanga donation dawn te atanga hmuh a ni. Sumi Baptist Church hi Zunheboto khuaa Baptist biak in awm chhun a ni a. Kum 10 kalta vel a\ang khan biak in lian hi an mamawh tawh a. A hmaa an Biak In mi 3000 len theihna ah hian an Kohhran member zawng zawng an leng lo a, tunah chuan mi 8500 lai an leng dawn ta a ni. Sumi Baptist Biak In thar hi North East timawitu leh tihmingthangtute zinga chhiar tel a ni ngei dawn a ni.