DOWNLOAD OUR APP

Read latest news on your phone
app-store

FEATURE - Poshan Maah

Sep 12, 2022

March, 2018 atangin neih tan, Poshan Abhiyaan (National Nutrition Mission) programme hnuaiah hian naupang kum ruk hnuai lam bakah hmeichhe tleirawl, raipuar leh nau pawm ten chaw tha an ei leh hmuh chu a tum ber a ni. He programme hnuaiah hian Ministry of Women & Child Development chuan September thla chhung chu chaw tha hmuhna thla ‘Poshan Maah’ atan hman turin a ti

Poshan Abhiyaan (National Nutrition Mission) programme hi March, 2018 atangin neih tan a ni a, hemi hnuaiah hian naupang kum ruk hnuai lam bakah hmeichhe tleirawl, raipuar leh nau pawm ten chaw tha an ei leh hmuh chu a tum ber a ni. He programme hnuaiah hian Ministry of Women & Child Development chuan September thla chhung chu chaw tha hmuhna thla ‘Poshan Maah’ atan hman turin a ti a, Mizoramah pawh hman mek a niin September 1, 2022 khan Social Welfare & Tribal Affairs Minister Dr. K.beichhua chuan a hawng a ni.

ZALEN-in Social Welfare & Tribal Affairs department thawktute hnen atanga thu a dawn danin Poshan Maah chu nu, tleirawl leh naupangten chaw tha an hmuh theihna atana inzirtirna hunah an hmang thin tih an sawi a. “Nausen chu thla ruk a tlin thlengin nu hnute tui chauh ring se kan duh a. Thla ruk hnuah chuan thlai leh thei chi hrang hrang ei se kan duh a, chutiang bawkin puitling pawhin ei tur tha an hmuh hi kan duh leh tum ber a ni,” an ti.

Naupang chaw tha hmu zo lote zawn chhuah leh chaw tha pek chu an tum bulpui pakhat a ni tih sawiin Social Welfare & Tribal Affairs thawktute chuan, “Operation Severe Acute Malnutrition hnuaiah thawktute kaltlangin hrisel lohna te, harsatna avang leh nu leh pa mawl vanga harsatna tawkte zawn chhuah thin a ni a. Hetiang naupang harsa leh ei tur tha nei lote hnenah hian ei tur tha leh pawisa kan pe thin a, mi tam takin an tangkaipui hle a ni,” an ti a. SAM hnuaiah naupang 160 vel ei tur an pe mek niin an sawi bawk.

An hnathawh chuan rah tha a chhuah nia an hriat thu sawiin, “Hetia chaw tha kan pek hnu hi chuan naupangte pawhin an thatpui hle a. Tunhma deuha naupang zana tah ching te, dul kiar ling leng leh naupang sam buang thing theng te pawh kha an awm ta lo niin kan hria a, kan lawm hle a ni,” an ti bawk. 

Social Welfare & Tribal Affairs thawktute chuan an hmalaknain rah tha a chhuah nia sawi bawkin nu nau pai inenkawlna, Pradhan Mantri Matru Vandana Yojana (PMMVY) ah pawh Mizoram chuan award tum hnih a dawng tawh niin an sawi bawk. 

Share now