FEATURE : SHG hlawkpui
![](https://zalen.s3.ap-south-1.amazonaws.com/images/news/1717244900_Selfhelp.jpg)
Thingtlang mi retheite leh harsa zawkte dinhmun chawikan nan economic empowerment (sum lama harsatna sutkian) leh social empowerment (mahni inrintawkna) te hi a ngai a. Empowerment lama India rama kan neih that ber, retheihna um bo kawngah leh hmeichhiate dinhmun chawikanna atana hman chu Self Help Group (SHG) hi a ni a tih theih awm e. Heng SHG-te hi eizawnna chhenfakawm nei thei turin hma lakpui nghal niin, SHG atang hian hmasawnna kawng tam takah hmuh theih a awm a. Tangkaipui leh hmasawnpui sawi tur an awm ta fo bawk.
SHG hi thingtlang chhungkaw tam takin bul tan nan leh eizawnna rintlak tak neih nan an lo hmang tawh a. Hmeichhia kut hnathawk leh eizawnna lama harsatna nei te tana bul tanna tha leh rinawm a ni a. Bul tan an harsat a nih pawhin zir ngai an nei a nih chuan SHG kaltlang hian inzir chawpin, loan lak theih dan te pawh a awm a ni.
Heng an hmalakna atangte hian chhungkaw tam takin hma an sawn tawh a. Mizoramah pawh thingtlangnu harsa tak takte hmalakpui nan leh tanpui nan Mizoram State Rural Livelihoods Mission (MzSRLM) hnuaiah Self Help Group (SHG) te hi din an ni a.
Heng MzSRLM hnuaia Self Help Group (SHG) member thingtlang mite siamchhuah leh tharchhuah mi tam zawkin an lei theih nan leh sumdawnna kawngah pawh hma an sawn theih nan, thingtlang nu ho thil siam chhuah leh thar chhuahte zawrhna hmun tur dawr, ‘SHG Mart’ tih chu Lianchhiari Rûn, Tuikual South-ah, dawr leh pan awlsam takin hawn a ni a. SHG Mart bungrua leh tharchhuah neihte chu a chikimin ei tur sekrek atanga inchhung bungrua, puan (handloom) atanga thlai leh thlai atanga siam ei leh in theih, arsa thlengin, kut themthiamte thil siam chi hrang hrangte pawh a siamtute leh tharchhuaktute kut atang ngeiin SHG Mart-ah hian an zuar hlawm a, zawrh chhawn leh kharchhawnna awm loin a hlawkpuitu tur SHG member thingtlang mi te, a siamchhuaktu leh tharchhuaktute hian a hlawkna an rut vek a, hma an sawn pui viau a ni.
Dawr nghaktute pawhin, “Kan nei vek zel e, kan SHG nute hian i mamawh ang hi chu an siam thiam ve viau kan ring a ni,” tiin SHG member-te thilsiam leh tharchhuahte chu an lo chhuang viau bawk a. SHG member harsa tak tak te, inzawrhna hmun tur hre lo an awm aia an tan an siamchhuah leh tharchhuah zawrh chhuahna remchang zawk leh mipui tam zawk ban phak maia a awm hi a hluin a lawmawm hle a ni.
Tan la thiam leh hma la thiam tana dinchhuahna khawvelah ah kan awm a, hetianga SHG member thingtlangnu harsa tak takte hmalakna chi hrang hrang lang theia phochhuahna leh lei theihna hmun dawr a awm ta hi ram hmasawn nan leh harsa zawkte tan beiseina petu tha tak a ni ngei ang.
SHG lam hian tan an lo la nasa tih a lang hle a. ‘Sel Hel Group’ tia an koh thin SHG-te chuan sumdawnna lamah pawh huang an rawn zauh zel a. Ramin hma a sawn puia, heng hmalakna atang te hian ‘empowerment’ chu SHG member-te hian an dawng ngei ang.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024