Texas, USA-a ka zinin Jail tangte hian Graduation Day an lo hmang a. Ka han belhchian chuan zirlai an lo zir \hin hi a ni a, chumi exam-a pass te chu chu hun chu an lo hmanpui a ni a. Chumi atang chuan he thil hi kan ngaihtuah chhuak ta a ni,” tiin Set Free Ministries, India Director Rev K.Lalzuala chuan a sawi. Ningani khan Home Minister R. Lalzirliana chuan Set Free Ministry te buatsaih Jail chhunga zirlaibu hman tur ‘Nun Kawng Dik’ tih chu Central Jail-ah a tlangzarh a. Hei hi Set Free Ministry leh Prison Department thawhhonaa siam niin a hma thei ang bera Jail tangten zirlai an zir \an theih nan hma lak mek a ni. He lehkhabuah hian sakhaw inzirtirna chauh ni lovin jail tangte tana tangkai tur nun kawng dik an zawh theihna tur te, sorkar dan zawm tura fuihtu tur zirlaite a tel dawn a ni. Central Jail chhungah hian Evangelical Church awmin Ward 12-ah hian hruaitu pakhat \heuh an awm a, chu mite chuan he lehkhabu hmang hian zirtirna an lo pe ang a. Kar tin Ningani apiangin Set Free Ministry lamin an zirpui dawn bawk niin Rev K.Lalzuala chuan a sawi a, Mizoram Jail zawng zawngah kalpui vek an tum niin a sawi bawk. Jail tangte hian zirlai zir tur hian enrollment an ti vek tawh a, he zirlai hi thla 3 course niin an zir zawhah exam an hmachhawn leh dawn niin Set Free Ministries, India hotute chuan an sawi a. Set Free Ministry hian International Prison Ministry atangin zirlai syllabus hi dilin Mizo Tawngin an let a. Zirlaite chu zirlaibu pakhat theuh an pe vek dawn a ni. Zirlaibu hi phek 41-a chhah niin Zirlai hi 7-ah then a ni a. Thla thum chhung zir tura ruahman a ni a. He zirlaibu neih theihna tur sum chu Set Free Ministries, India member-te Faith Promise hman a ni a. Rev. K.Lalzuala chuan jail tangten sermon an ngaithla thin a. Kalphung pangngai thlaka zirlaibu an zir chuan tan a that thu a sawi a. Jail tang te mamawh tur tak zirlaibu mi thiamte duan an zir thei tur chu lawmawm a tih thu a sawi bawk.