ZALEN January 23, 2024 : American synthwave band, Atlanta singer leh songwriter Tyler Lyle leh Los Angeles Danish-born producer, songwriter leh singer Tim McEwan ten an din 'The Midnight' te chu February 20, 2024 hian Brigade Field, Bawngkawn-ah Concert an nei dawn.

The Midnight te hi Aizawl-ah hian Fame Entertainment leh Thul ten an lo thleng dawn a, India rama chahluttu te hi Cicada Live an ni a, anni hi India rama foreign band chi hrang hrang lo chah lut tawh thin an ni.

The Midnight India Tour hi February 18, 2024 ah GYLT, Bengaluru-ah tan a ni ang a, Brigade Field hi an concert tum hnihna tur a ni. February 22-ah Noune Resort, Dimapur-ah neih a ni leh ang a, February 24 hian Bloomverse Festival, Meghalaya-a neih turah an zai leh bawk dawn a ni.

The Midnight hi member ang chu pahnih, Tyler Lyle – lead vocals, guitar, synths (since 2012) leh Tim McEwan – producer, percussion, synths, vocals (since 2012) te an ni a, tun tumah hian Touring musicians, Lelia Broussard – vocals, guitar, bass, synths (since 2019), Royce Whittaker – guitar, synths (since 2020) leh Justin Klunk – saxophone, synths (since 2022) te an rawn tel dawn a, an technical team te nen mi 11 an rawn kal dawn a ni.