Hmarchak state-a a hmasa ber ni turin Manipur khawpui Imphal chuan Femina Miss India 2023 Grand Finale a thleng dawn. April 14 hian Grand Finale hi neih a ni dawn a, Mizoram aiawhin C. Lalhmangaihzuali (Zuali Chhangte) a inlan dawn a ni. 

Femina Miss India vawi 59-na hi neih mek a ni a, contestant ten shooting leh grooming hun an hmang mek. State hrang hrang ten Miss India title an inchuh dawn a, a ngaihnawm leh viau dawn e. 

Karnataka nula Sini Shetty chu Miss India title kawl mektu a ni a, a lal lukhum hi tunge a hlan chhawn dawn tih chu hriat chakawm tawh tak a ni. Rubal Shekhawat (Rajasthan) leh Shinata Chauhan (Uttar Pradesh) te pawhin 1st leh 2nd runners-up te an hlan ve bawk ang. Femina Miss India 2023 hian Miss World 2024-ah India ai a awh dawn avangin hmelthat ringawt a tawk dawn lo a, thluak tha a pawimawh tel dawn a ni.  

Imphal-ah aw...
Manipur sorkar chu Femina Miss India 2023 thleng turin a inbuatsaih mup mup a, hmarchhak state-in an thlen vawi khatna tur a nih avangin mellung pawimawh tak an phun dawn. Grand Finale an thlen theihna tur hian Manipur Chief Minister N. Biren Singh leh Times of India Managing Director Vineet Jain te chuan Tourism Department, Government of Manipur leh Times Group te aiawhin inremna an lo ziak tawh a ni. 

Miss India Mizoram 2023 atana thlan Zuali Chhangte chu Grand Finale-ah hian a inlan dawn a, April 7 hian Manipur an pan dawn a ni.