Aizawl: Zofa Global Network ten November ni 19-21,2014 inkar chhunga Zofa Cultural Festival, Tahan (Myanmar) a neih an tum chu engemaw rokhawlhna avangin CHamphaiah sawn a ni. Zofa Global Network hruaitute hnen atanga thudawn danin Myanmar sawrkarin ramdang atanga lokalte tan passport a phut avangin mi thenkhat passport neilo an awm a, an tan a buaithlak dawn avangin nakkum lamah Tahan ah hian neih tum mai ni zawk se an ti ta niin an sawi. Ruahmanna thar siam a nih dan chuan Zofa Cultural Festival hi November ni 20 leh 21 hian Kahrawt field, Champhai ah neih a ni dawn a, Chief Minister Lal Thanhawla chu khuallian atan an beisei. Zofa Global Network a kaltur te hi Tahan a neih tmu a nih la khan kal man leh haw man intum tur an ni a, thlenna leh ei leh in chu Tahan lamin an lo ruahman tur a tih a ni a, Champhaia sawn a nih hnuah pawh hetiang tho hian ‘Mizo pa thleninah thlen tur’ an ti a ni.