The Salvation Army, Territorial Headquarters, India Easter Territory buatsaih Festival of Praise chu kuminah pawh hman a ni leh dawn a, September 8, 2023 Zirtawpni zan hian Dawrpui Multi Purpose Center-ah neih a ni ang. 

Festival of Praise-ah hian item beng lut leh mit titlai tak tak a awm leh dawn a, Mizo Idol leh Youth Icon zai ngaihthak tur a awm bawk ang. Territorial Staff Band, Territorial Staff Songsters, Central South Division Songsters leh Central North Division Songsters te an zai dawn a, TBZ Choir leh The Leprosy Mission Choir te an che dawn bawk. 

Modern English Higher Secondary School ten Timbrel Display hmangin Pathian fakna hun an hmang dawn a, Saxophone te an perform bawk ang. 

Mimal zai tur 
Festival of Praise 2023-ah hian zai tur mimal pahnih an awm a, Zothanpuii, Youth Icon leh Mizo Idol T. Vanlalhmangaihi te an zai dawn a ni. Anni bakah hian tun hnaia intihsiakna an neih zawh tak Voice of Salvationist-a pakhatna Vanlalruati, Tlangnuam a zai dawn bawk a ni. Kumina an thupui tur hi 'Lalpa chu fak rawh u' Sam 150 a ni.