Comedian Search 2021 atanga Zoram mipuiin kan hmelhriat, K. Vanlalhriatpuia (23), Ramthar chu a lehkha zirna Bangalore-ah a boral. 

'A ni daih ang' tih hmanga min tinui thintu chu a muhil an kaitho zo lo a, chatuan ram a pan ta a ni. A kal san tak a chhungte ZALEN chhungkua chuan kan tawrhpui tak zet e.

K. Vanlalhriatpuia hi mi hlim thei tak, fiamthu thiam leh thian kawm thiam tak a ni. Mipui hmaa fiamthu thawha lar ni mah se mi zakzum tak a ni lawi a, Comedian Search 2021-ah pawh khan a chhungte hriat lohin a tel nghe nghe. 

A thlen san a, mipui hriat a hlawh tak deuh chhoh hnu pawh khan intihsiak a hmachhawn zo in lama a haw te hi rang takin a tlanlut thin a, miin an lo bia ang tih a hlauh thin a ni awm e. 

Zirna chhunzawm turin Bangalore-ah a chhuk a, Sri Venkateshwara Dental College & Hospital-ah BDS a zir a ni. Roomate pakhat a nei a, a roomate hian a thawh mai loh avangin class a kal san. A hawn hnuah pawh a lo la thawh loh avangin kaihthawh an tum a, mahse a an kai tho zo ta lo niin an sawi.

Hriatpuia hi kum 2021 khan Comedian Search-ah pahnihna a ni a, kum naupangte ni mah se a talent neih that zia a pholang. A thih hian kum 23 mi chauh a la ni.