Urawa Red Diamonds chuan Zirtawpni zan khan Leon hnehin Fifa Club World Cup semifinal-ah Manchester City nen an insu dawn.

Asian champion tan hian Dutch forward Alex Schalk chuan second half-a a tlan luh atanga minute nga lek, inkhel minute 78-ah goal awm chhun a thun a ni.

Leon hian inkhel bul tan tha zawk mah se hnehna an chang zo ta lo va, a captain William Telisso chuan hun tawp dawnah yellow card pahnihna hmuin hnawh chhuah a ni bawk.

Japanese club hian Mexican club, Concacaf aiawha inlan an hneh hnuah hian European champion hi Thawhlehni zanah an hmachhawn dawn a ni.

Leon hi Club World Cup-a an inlan vawi khatna a ni a, Urawa erawh kum 2019 khan pathumna an lo ni tawh a, 2017 khan an lo tel tawh bawk.

Zirtawpni zan vek hian Al Ahly leh Al-Ittihad an inhmachhawn dawn bawk a, a chak zawkin Thawhtanni zanah semifinal lehlamah Brazialian club Fluminense an hmachhawn zui ang.