Infiamna a sum tam lamah FIFA World Cup hi lawmman tam lama pathumna niin tun tumah hian US Dollar maktaduai 440 sen ral a ni dawn a, pakhatna hian US Dollar maktaduai 42 an dawng ang.

Pahnihna hian US Dollar maktaduai 30 an dawng anga pathumna hian US Dollara maktaduai 27 an dawng ang a, palina hian US Dollara maktaduai 25 an dawng ang.

Quarter Final lut team 8 ten US Dollara maktaduai 17 an dawng ang a, Round of 16 lut chin te hian US Dollar maktaduai 13 theuh an dawng a, a tournament khel hrim hrim te hian US Dollar maktaduai 9 an dawng theuh dawn a ni. Hetihlai hian pawisa dawn zat tur tarlanna hi a inanglo hret hret thung.

Sports lama intihsiaknaah hian UEFA Champions League hi pawisa tamna ber niin Formula 1 hina a dawt a, FIFA World Cup hi pathumna a ni a, European Championship chu palina niin UEFA Europa League chuan top 5 a khar. World Series (Major League Baseball) chuan a dawt a, World Series Poker chu pasarihna niin, US Open, Wimbledon leh FedEx Cup te chuan an dawt a ni.