Crotia chu Argentina hneh loa FIFA World Cup 2022 atanga an tlak tak avangin Ivana Knoll chu a inphelh ruak dawn ta lo - mi tam tak hmuh chak a thleng dawn ta lo tihna a nih chu! Miss Croatia World 2016 finalist hian kumin World Cup-ah hian an ram an champion chuan a inphel ruak dawn tih a lo sawi tawh a ni. 

Croatia leh Argentina te hi nizan khan an inkhel a, Argentina hi goal 3 in an chak. Inkhel a tawp ruala mi tam tak rilrua lang chu Ivana Knoll a ni a, a saruak thlalak hmuh an beiseina a tham ral tih an hria. Kum 30 mi Ivana Knoll hian khelmual pawnah boruak a nei lian hle a, a chanchin hi mi tam tak ngaihven a ni. 

Croatia-in World Cup nawimawi an chawi chuan a inphelruak dawn tih a sawi hnu phei chuan a chanchin hian ngaihven a hlawh zual a, social media lamah pawh follower a neih belh hnem hle. Croatia flag nen theih tawpin tang mah se an ram chu nomawi chawi loin an haw a ngai ta a, amah pawh a intiamna tihlawhling loa a haw mai a ngai ve ta a ni. 

Model, Instagram star leh belly dancer ni bawk Ivana Knoll hian Qatar sawrkar dan pawisa loin a thawmhnaw hak pawh a duh tui lo hle a, taksa lang tam chi a inbel tlangpui. Stadium chhung leh pawnah mipui mit fukna a ni a, a thlalak pawh internet lamah hmuh tur a tam hle. 

Ivana Knoll hi September 16, 1992 khan Croatian chhungkua atangin Frankfurt, Germany-ah a piang a, thlahtute atanga Crotia a nihna hi a chhuang hle. Kumin World Cup-ah pawh hian a pianna German aiin Crotia a tan zawk a, field sirah Croatia flag a vai nasa thin hle. Amah hi 5 feet 11 inches zeta sang a ni nghe nghe.