Football game-ah chuan goal a luh tam pauh leh inkhel hi a hmuhnawm thin a, tun tumah hian khawvel-a sport event lian ber FIFA World Cup khelh tawha goal luh tam bikna match te kan rawn tarlang dawn a ni. 

World Cup hmasa ber khan Argentina leh Mexico te inkhelh tumin goal 9 a lut a, La Albiceleste (Argentina) te chu an chak zawk a ni. World Cup history-a goal luh tamna ber chu 1954 World Cup-a Austria leh Switzerland te group stage-a an inkhelh tum niin a vaiin goal 12 a lut. 

Goal 9 luhna hi match pathum awmin chungte chu 1954 Hungary leh South Korea, 1974 Yugoslavia leh Zair, 1982 Hungary leh El Salvador te an ni. 

Tun hnaiah chuan kum 2022 World Cup khan Germany chuan Saudi Arabia chu si riat faiin an hneh a, hemi tum hian Miroslav Klose chuan hat-trick a siam nghe nghe. 2010 World Cup khan Portugal chuan goal 7 zet thunin North Korea an sawp bawk. Hemi tum hian player hrang hrang paruk ngawtin goal an thun a, an zingah hian Cristiano Ronaldo pawh a tel a ni.