FIFA World Cup qualify-ah Guatemala forward hlui Carlos Ruiz chu goal thun tam ber niin a ni aia goal 3-a thun tlem Cristiano Ronaldo chu pahnihna a ni. Guatemala striker ropui hian World Cup qualifying match 47 khel tawhin goal 39 a thun a, goal thun tam ber a ni. 

Portugal captain Cristiano Ronaldo hian Ruiz-a record chelh lai hi FIFA World Cup 2022 qualify khelh mekah hian a khum hlauh thei bawk. Manchester United star hian qualifying match 45 khelh tawhin goal 36 a thun a, record tluk turin goal 3 chiah a bak tawh. International football bik a goal thun tam ber ni thin, a record ropui September 2021-a Cristiano Ronaldo-a'n a khum tak Ali Daeli chu pathumna niin Iranian forward hian game 49 a khelhah goal 34 a thun. 2006 World Cup qualifying match-ah Iran hian Laos chu 7-0 zetin an hneh a, hemi tum hian Ali hian goal 4 lai a khung. 

Poland mi Robert Lewandowski chuan World Cup qualifying-ah game 36 khelin goal 29 a thun a, FIFA World Cup qualifier goal thun tam list-ah pali-na a ni. Bayern Munich star hian World Cup qualify-ah hat-trick tum 3 a siam tawh bawk. Luis Suarez chu FIFA World Cup qualifier goal thun tam list-ah 5-na a ni a, Uruguayan attacker hian game 60 a khelhah goal 28 a thun a ni.