Aizawl: Mizoram International Short Film Festival (MISFF), Innovations India in NEDP bultuma I&PR Department kaltlanga a buatsaih chu nimin khan Aijal Club-ah Governor Kummanam Rajasekharan chuan kharin film siamtu thlanchhuah te hnenah lawmman a sem. Governor chuan, “Film hi khawtlang tana hmanraw pawimawh tak, zirtirna tha min petu leh khawtlang siamtha tura ngaihtuahna thar min neihtir thintu a ni,” a ti a. Mizoram leilung chu film siamtute hip thei tur khawpa a mawi thu a sawi a, Mizo kutchhuak film 25 lai a lut chu lawmawm a tih thu a sawi bawk. Captain Rahul Bali, MISFF Curator chuan Short Film Festival an buatsaih hmasak ber ni mahse, khawvel hmun hrang hrang atang leh Mizo kutchhuak ngei film 25 lo lut chu a beisei phak bak a ni tih a sawi bawk.