Aizawl: Mizorama a vawi 1-na ni turin ni thum awh Mizoram Fish Festival 2016 chu December 7-9, 2016 hian Mizoram Fisheries Department buatsaihin Govt. Mizo High School Field ah neih a ni dawn. Mizoram Fish Festival 2016 hawnnah hian Chief Minister Lal Thanhawla chu khuallian a ni ang a, he festival chhung hian Mizorama sangha tharlam tak tak te lei theihin a awm ang a, sangha manna hmanrua te, sangha chaw te, Sangha um (fermented fish) hrang hrang te, sangha kaihhnawih product hrang hrang te lei theihin a awm dawn niin Zalen thudawnna chuan a tarlang. Festival ni hnihnaah hian I&PR Conference Hall-ah Brain Storming Session a awm dawn a, hetah hian 'Conservation of Indigenous Species of Mizoram' tih thupuia hmangin mithiam hrang hrang ten thu an sawi ang. Mizoram Fish Festival 2016 hi December 9, 2016  chawhnu dar 2 ah Govt. Mizo High School Field ah kharna hun hman a ni ang.