ZALEN August 23, 2026: Forensic Science Laboratory (FSL)-a mi thiamte chu kumin July thla thleng khan pawi khawihna hmun 50-ah an kal tawh a, police-ten an man pawi khawihtu hrang hrangte kutze thla (fingerprint) 5,982 an nei/kawl tha tawh. 

FSL-in an chhinchhiah danin kumin January atanga July thla thleng khan pawi khawihna hmun 50-ah an kal tawh a, thubuai 3,979 an enfiah zo a. Hnuchhuina kaihhnawih peng hrang hrang an hmuh chhuah zat chu 5,100 niin pawi khawihna thubuai leh an endikna kaihhnawihah court-ah vawi 232 an ding tawh bawk.

Kum 2024-25 chhung khan FSL mi thiamten tualthahna thleng vawi 20 an enfiah a, mipat hmeichhiatnaa pawikhawihna thleng 18 enfiah an nei a. Heng bakah hian pawikhawihna hrang hrang enfiah an nei bawk.

FSL hian police-ten an mante fingerprint 5,982 an nei/kawl tawh a, tun thlenga kutze thla an neihte hi pawikhawihtu convict (thiam loh chantir) tawh mi 3,373-te leh pawikhawihtu an man tawh mi 2,609-te kutze thla a ni.