Aizawl: June ni 5-9,2017 inkar chhung hian Reserve Bank of India chuan India ram hmun hrang hrangah Bank kalphung leh tul dangte inhrilhhriatna hun ‘Financial Literacy Week’ an hmang dawn a, he week hi naktuk chawhma dar 11 hian Hotel Regency-ah Chief Secretary Lalmalsawma’n a hawng ang. Zalen zawhna chhangin Aizawl a RBI hotu Mary L Deng chuan Financial Literacy Week chu RBI office awmna ah chuan hmang vek turin an hotuten an hriattir niin a sawi a. Week hman chhung hian Bank account hawn chungchang leh bank kalphung pawimawh dangte inzirtirna hun atan hman a ni dawn tih a sawi bawk.