November thla tir khan TalkTV-a interview a hmachhawn tumin United chu amah phatsanah a puh a, manager Erik ten Hag zah lova puh niin club atanga chhuah tir a ni. United-ah khan Ronaldo hi kar khata £500,000 hlawh niin, chhuahtir anih khan thla sarih contract a la nei.

Ronaldo hian Club nei lovin World Cup a khel a, he tournament-ah hian goal khat a thun a, mel lung thar phunin World Cup tum nga a goal thun thei vek a ni.

Qatar atanga a haw hnu khan Real Madrid lamah training a nei a, hemi hnu hian Saudia Arabia lamah tuna a club thar ni ta Al Nassr hi a zawm ta a, 2025 thleng khel turin inremna an ziak.

Portugal captain hi Manchester United a chhuahsan hnu khan free agent a ni a, tunah hian football chanchina hlawh hnem ber a ni dawn a, kum khata Pound maktaduai 177 chuang a hlawh dawn. Kum 37 mi hian, ram dang daiha chona thar hmachhawn hi a chak tawh tak zet niin a sawi.