B-town couple Alia Bhatt leh Ranbir Kapoor te hian football an tuipui viau mai a, ISL club Mumbai City FC neitu zinga mi an ni. Pathianni zan khan Indian Super League-ah Mumbai City FC leh Kerala Blasters te an inkhel a, a hmunah an en - Mizo player chhuanvawr LZ Chhangte pawh thlan an lakpui nghe nghe. 

Ranbir Kapoor leh Alia Bhatt te hian an inkhelh zawhah an club player te titipuina hun an nei a, an thlalak hrang hrang pawh social media lamah a darh nasa hle. Mumbai City-ah hian share18? an nei a, player te chawhphur an thamin football pawh an tuipui viau mai. Ranbir Kapoor leh Alia Bhatt te hi Bollywood superstar zinga mi an ni a, hei hian Indian Football tih larna kawngah pawh nghawng a neih chhoh zel a rinawm. 

Mizo ten football-ah hma kan sawn zel a, India player langsar ber berte an ni chho mek. Mizo Sniper Jeje Lalpekhlua pawh Chennaiyin tan a khelh laiin Bollywood star Abhishek Bachchan leh Aishwarya Rai te nupa chuan thla an lo lakpui tawh a ni.